اتنين متجوزين من عشرين سنه

قرروا يروحوا يصيفوا ع البحر بنفس الفندق
اللى قضوا فيه شهر العسل زمان
لكن الزوجة كانت مشغولة فاتفقت مع زوجها
على إنه يسافر لوحده و هي ح تلحقه بعد يومين
وصل الزوج ع الفندق و دخل الغرفة فوجد كمبيوتر بالغرفة
ومتوصل بكابل الانترنت
فقال يبعت ايميل لزوجته يطمئنها فيه على أحواله


بعد ماكتب الرسالة
و هو بيكتب عنوان البريد الالكتروني لزوجته
أخطأ فى كتابة حرف فى العنوان

و بالطبع راح الايميل لشخص تاني

تصادف إنه كان لأرملة لسة راجعة من مراسم دفن زوجها
اللى توفاه الله بنفس اليوم
الست الأرملة فتحت الكمبيوتر بتاعها لتقرأ ايميلات التعازي
وقعت ع الأرض مغمى عليها بلحظة دخول ابنها
اللي حاول يسعفها بكل الطرق
و لم يفلح في إفاقتها
: نظر الابن إلى كمبيوتر والدته و قرأ الرسالة التالية
زوجتي العزيزة

وصلت بخير
و يمكن تتفاجئي لأنك ح تعرفي أخباري عن طريق الانترنت
لأنه دلوقتي بقى فيه كمبيوتر عندهم و يقدر الواحد يبعت أخباره
لأهله و أحبابه يوم بيوم

أنا بقى لي ساعة واصل
وتأكدت إنهم جهزوا المكان وكل شىء
و مش باقي غير وصولك لعندي هنا بعد يومين

إشتقت لك كتير و مشتاق أشوفك وباتمنى تكون رحلة سريعة زي رحلتي

ملاحظة:مش ضرورى تجيبى ملابس كتيرة معاكى
لان الحر هنا شديد اوى اوى جهنم