يا حبيبتى لو بتحبينى

-طالب بيحب وحبيبته منفضه فالواد وهوه مقهور يا حبة عيني كتب الدرة دي )



يا حبيبتي لو بتحبيني
قوليها واضحة وصارحيني
وأوعدك وحياة عيني
السر في بير
دا الترم عدا وماذاكرتش
وفي غير هواكي ما فكرتش
من يوم ما شفتك ما نفعتش
وما فيش تقدير
قلبي في غرامك متهور
هايم في حبك يتصور
وإنتي مذاكرة الله ينور
وانا ما ذاكرتش م التفكير
بقي يعني أحبك كده بزمة
تلبسيني أنا العمة
أنا إلي أصلي واد طيب
حبك بضمير

وبعد أن تزوجوا انفصلوا بعد 3 سنوات وكتب هذا الشخص هذه القصيدة التي يحكي فيها عن الأهوال التي رآها



الجزء الثاني

أحسن حاجة أنك سبتيني
بركة يا جامع ريحتيني
عاوزك تتمسكي بخصامك
حتي إن جيت وبكيت أدامك
يومها يا ريت تبقي تصديني
حبك كان زي ا لعلة
خلي الدنيا في عيني مملة
دنا م الفرحة كسرت القلة
غير طبقين م الطقم الصيني
وفي يوم عيدك عايزة هدية
كان الجيب ما فيهوش نقدية
رحت رهنت هدومي عليا
منك لله فلستيني
ولما طلبتي نحجز شقة
رحت معاكي ما قلتش لأه
طلع البيت مرهون علي زقة
وفي الزلزال قال باي يا شاربني
واتغربت سنيين علشانك
عشان اجيب بنبون لجيرانك
ولما الناس زنوا علي ودانك
زي لبانك طرقعتيني
شفتي ازاي كان حبك نقمة
دنا ندمان وحياة النعمة
إني ما جبت بدالك جزمة
أصل المشي الحافي كاويني



اتبهدل الراجل الغلبان ده مش كده ؟